أ/حسن الجندي يكتب((وحشتيني))

(وحشتينى)
وحشتينى......وحشتينى
يا أغلى عندى من عينى
وحشنى حضنك الدافى
ونبع حنانك.......الصافى
وقلب بالعطا.........وافى
ونهر محبه........يروينى
بجد صحيح وحشتينى
وحشانى..... نظرة عين
فيها الشجن........ ألوان
مرّه فيها.............عتاب
ومرّه شوق.......وحنان
وباسمع ف الخيال صوتك
بأحلى كلام...........ينادينى
بجد صحيح وحشتينى
بابكيكى أم..........حنون
وزوجه م........الصابرين
ع الحلوه والمرّه عاشت
واستحملتنى.........سنين
وف كل........... نوّة حياه
كانت...................تقوينى
بجد صحيح وحشتينى
حاولت اهرب واروح على فين
وطيفك ف كل....... مكان
يفكّرنى بأحلى........سنين
واحس مرارة......الحرمان
وشوق.........لبعيد يودّينى
ونار..............البعد تكوينى
بجد صحيح وحشتينى
وحشنى صوتك الهادى
يصبّرنى.... على الأيام
ف كل صباح جميل نادى
يصّحينى بأحلى.... كلام
لمين روحتى...وسبتينى
ومين غيرك.....يواسينى
بجد صحيح وحشتينى
أنا مش ممكن أنساكى
وحاشيل فضلك على راسى
يا أجمل عشره بين حبيبين
وفرّقهم ............قدر آسى
ياواحة................. العطشان
وراحة.....................الحيران
ليه....................... فارقتينى بجدصحيح ....وحشتينى.
(حسن الجندى)