(كلنا مسافرين)
ماشيين ف سكة سفر
ولحد فين..... رايحين
يضحك.... علينا القدر
والعمر.... يطوى سنين
وتوهت... وسط زحام
وناس كتير... خايفين
والدنيا.......... بالكرباج
تضرب شمال... ويمين
وتقولّى.. فين يوجعك
ما ترد يا........ مسكين
قضّيت.. حياتى شجن
أشكى وقلبى.... حزين
والعمر راح... وانقضى
مابين بكا......... وأنين
ولكل واحد......... أجل
وكلنا........... مسافرين
سرقتنا.......... يا زمان
واحنا..... مش داريين
توهتنا........ ف سراب
وكنا مش...... شايفين
ووصلنا... خط النهايه
واحنا............ مغلوبين
نبكى ع اللى........ راح
ومستحيل..... راجعين
والدنيا..... على وسعها
وبطولها....... وبعرضها
ماتساوى لحظة شجن
ولا حتى.... دمعة عين
(وعجبى)
(حسن الجندى)
الثلاثاء، 12 فبراير 2019
الشاعر حسن الجندي يكتب((كلنا مسافرين))
الاشتراك في:
تعليقات الرسالة (Atom)
ليست هناك تعليقات:
إرسال تعليق