الشاعرة ياسمين عبود تكتب((صابية))

صابيه
وانا الزمن ياجميله
لف ودار بيا
ف عنيك تسبيله
شاغله بيها عنيا
بالله انا غلبان
مالك بقى بيا
الشيب ف راسي بان
ورسم الزمن احزان
قاسيه اوي عليا
وانت الخضار لونك
والحمره ف خدودك
سنينك اهي جايه
بالله ياصابيه
روحي لحال قلبك
حبالي من مايه
راح يبقى من همك
تتشعلقي فيا
بالله ياصابيه
لا تحيي فيا احلام
ماتت بقالها زمان
بكلمتين وسلام
مشاغله وملاغيه
عديت بحور الحب
ومركبي عافييه
وصلت انا للشط
وقاعد اتفرج
ع موج يشيل ويحط
عشاق بلا ديه
وجنبي قلوب زيي
عجوزه اه لكن
مليانه حنيه
انسيني ياصابيه
#ياسمين عبود