الشاعر حسن الجندي يكتب((بعت له))

(شخابيط)
بعت له...........جوابات
ولا مرّه....... جانى الرد
كان فيها شوق وأهات
ولا مرّه عدّى........وود
وقلت له........سلامات
كشّر......... وبوزه اتمد
الفرح راح.....وانقضى
والحزن طال....وامتد
وياما  شوفت  عذاب
وكام ألم....... ع الخد
سألت نفسى سؤال
مش عايز اقوله لحد
إزاى حصاحب قمر؟
حلو وجميل.......القد
وانا طول حياتى فقير
وحالى.......كده ع القد
قلت أخللى........ الباب
مفتوح.......بلاش يترد
وياما شاط فيّا الزمن
ولا مرّه.....جون اتصد
واليأس خللى النهارده
أحسن...... كتير م الغد
الصح ليه.........يتنسى
أما الغلط.............يتعد
ومشيت انا ف سكتى
أتاريها .......حاره سد
ولما روحت.... اشتكى
قاموا عليّا...........الحد
من غير كلام.. وعتاب
كنت أتعبط........واتمد
فضل الوجع.......بيزيد
وكل يوم............يشتد
روحت أشكى للمحكمه
مالقيتشى فيها.......حد
ولمّا جربت.........السكن
البيت عليّا.............اتهد
حرام عليك...... يا زمن
دا ظلم فاق..........الحد
(وعجبى )
(حسن الجندى)