الرائعة ياسمين عبود تكتب((سطريني))

سطريني جوه دفتر ذكرياتك
اكتبيني حتى لو ف كلمتين
قولي اسمي
واني واحد مر من قدام حياتك
فرحي قلبي الحزين
قولي عني اي حاجه او حتى اني
كنت حاجه من حاجاتك
وراحت منك من سنين
اكتبيني حرف واحد
جوه حروف حكاويك شابك
حرف محتاج نقطتين
احسبيني
صفر جوه كراسة حسابك
بس صفر ع اليمين
افتكريني بكلمه حلوه من كلامك
واسألي انا روحت فين
ولو ف مره طيفي جه ودق بابك
متسأليش ده يبقى مين
ده اللي فاكرك لما طال جدا غيابك
ولو حد غيره اشتقاك
هو شوقه كان شوقين
اكتبيني
#ياسمين عبود