الشاعر حسن الجندي يكتب((الزمن))

(الزمن)
على وشى رسم الزمان
خريطه من.......تجاعيد
هضاب صحارى وسافانا
وأوديه..............وأخاديد
وعكّاز لآخر...........الزمن
مابيفارقش.............الإيد
سرقتنا................يا زمان
وبالأمس كنت.........وليد
وكنت أيام..............الصبا
بالبس جديد فى جديد
وآخد العديه ....من امى
واسهر فى...... ليلة العيد
وكنت أحب.......المدرسه
وعمرى ماكنت..........بليد
أما فى عز............الشباب
فكرى وقرارى........سديد
والصحه كانت..........تمام
قلبى وبصرى.........حديد
مرّت حياتى..............كده
ليلى ونهارى...........سعيد
واتبدّلت..................الايام
ومين فينا بص........بعيد؟
الكل راح.............وانقضى
فضل البكا.............وتنهيد
حياتى غربه...........وفراق
وباقى عمرى...........وحيد
وبقيت على طرف الحياه
من زقّه.........وابقى طريد
باستنّى يوم............الوداع
ومسيره ييجى..........أكيد.
(وعجبى)
(حسن الجندى)