(لحظة غضب)
لحظة غضب كنت آسى
وقلت روحى...ماترجعيش
كنت فاكر......... قلبى يقدر
يهجرك ولا..........يشتكيش
كنت فاكر إن .........بعدك
عنى شيئ..........مايهمنيش
ومضيت شهادة .....الفراق
لحب عمره........ماينتهيش
دوقت السهر...... ويّا القمر
كان صعب من غيرك أعيش
إقبلى كل ...........اعتذارى
وحقّك عليّا.........ماتزعليش
ومهما قولت ...ومهما عدت
فى الحياه..... غيرك ماليش
وان قولت فى ساعة غضب
أنا باكرهك........ماتصدقيش
آسف وحاسس......... بالندم
خلاص بقى........ماتعيطيش
يلّا ارجعى وحياة عنيكى
ولاجل خاطرى ماتغبيش
بلاقى فى حضنك....دفى
سبينى أحلم ماتصحنيش
إيدك ف إيدى فى الحياه
واجرى جنبى... ماتقفيش
دانتى حبى ونور حياتى
والدنيا بعدك ماتساويش
ومهما شوفت جمال ياقلبى
غيرك إنتى..........ماشتريش
خليكى جنبى طول الحياه
ماتفارقنيش......ماتفارقنيش.
(حسن الجندى)
الجمعة، 8 فبراير 2019
الشاعر حسن الجندي يكتب((لحظة غضب))
الاشتراك في:
تعليقات الرسالة (Atom)
ليست هناك تعليقات:
إرسال تعليق