الشاعر حسن الجندي يكتب((خلصت كل الكلام))

(خلّصت كل الكلام)
خلّصت كل الكلام
ومش قادر أوّفيكي
ومهما أسمع... ملام
بادوب أنا...... فيكي
وأسمّعك.........أنغام
واسهر........أناجيكي
ع الشط ساعة العصر
أسمع............غناويكى
وليلاتى..... قبل مانام
بالرّمش.........اغطّيكى
وبكل شوق......وهيام
باحلم............أنا بيكى
وابعت تحيه وسلام
وبأجمل ورد أهديكى
وان جار عليكى العدا
أعادى اللى يعاديكى
يا هديه.....م الرحمن
والمولى.......حاميكى
بالفضل.....والإحسان
حقق............أمانيكى
وبعطف قلبى وحبى
حلفت........ اداويكى
باحب نيلك...وهرمك
وكل....... شيئ فيكى
واعشق ترابك يامصر
وبدمّى... وروحى...أفديكى.
(حسن الجندى)