أ/حسن الجندي يكتب((أزمة إسكان))

(أزمة إسكان)
جوه بيت من شعرى حاسكن
وف بحور شعرى حاعوم
واقضّى باقى العمر وحدى
مهما كل الناس......... تلوم
وأعد باقى سنين حياتى
لمّا تنقص يوم.........بيوم
والزمن ينحت ف قبرى
كل يوم ماسك.....قدوم
شدو عودى يدّفى قلبى
ف الشتا من غير هدوم
والسما ماتبقاش سمايا
لمّا تخلى م........الغيوم
ولمّا يصفى الجو.. مرّه
أبات أعد ف ...النجوم
والحياه.... دامت لمين؟
لمّا ليّا راح...........تدوم
يهد فيّا................القدر
غالب....... وانا المهزوم
وغرقت فى بحر الغرام
علشان ماليش ف العوم
واتفرقوا...........الأحباب
والأمر بات........محسوم
حاقضّى عمرى شجن
عايش حزين مهموم
والحب أصله... سكن
وانا ف الحياه مظلوم
ومهما.... يقسى الزمن
أنا راضى...... بالمقسوم.
(حسن الجندى)