#الهاشتاج
الهاشتاج قال سيبها تعنس
والمضمون فيه قلة ذوق
مين هتعنس ولا هتتدبل
يابني دي وردة اصحى وفوق
دي اللي أمان وسعادة وفرحه
دي اللي ملاك وتملي مسامحه
دي اللي بتسند واللي تطيب
وقت الدمعه ماتنزل جارحه
دي اللي هدية وأم تضمك
واللي حبيبة بتمحي ف همك
واللي صديقه بمليون راجل
وقت ألامك تسمع منك
فيها الحب اتلخص قوة
وأجمل بنت ف بنات حوا
جاي بتقولي سيبها تعنس
وفارد طولك أوي وفتوة
عمر الجرح ماكان من راجل
ولا في شهم هينكر خيرها
ولو هنلف الدنيا بحالها
عمر مافي ف الدنيا بديلها
وبدل الدعوة ماتبقى تعنس
تبقى بدعوة جميلة تقولها
ربي ارزقني رضاها وعيني
علشان أقدر أرد جميلها
#سامح_بلال
ليست هناك تعليقات:
إرسال تعليق