ق/حلم عشته ف حـضـنـهـا
ك/أحمد عبد الرحمن صالح
٭
٭
٭
مره صادفة قابلت واحده
قلبي رق وحبها
لو تغيب عن عيني لحظة
صعب أبعد عنها
البراءة اللي ف جـمـالـهـا
صعب اقابل زيها
كل احلامي ف وصالـهـا
إنـي أقـــرب منها
مستحيل اوصف دلالها
شهد صافي ف دمها
٭
٭
٭
أحلي كلمة قلبي قـالها
لما كنت ف حضنها
كنت بسرح بين غرامها
اللي عشتُه ف قُربها
والامان اللي ف حنانها
لما اكون محتاج لها
أحلي جنة بين عيونها
اللي قلبي حسها
كل حاجة جميلة منها
الا فكرة بُعدها
٭
٭
٭
قلبي روحي كل عمري
كل حاجة ف صفها
بعشقكِ من يوم ما شُفتك
روحي نسيت نفسها
مهما اقول واوصف غرامك
الكلام وقته إنتها
سيبي قلبي بشوقه ليكِ
شاركِ روحي ف حلمها
أحلي جنة بين عينيكِ
اللي قلبي أمن لها
كلمات/أحمد عبد الرحمن صالح
ليست هناك تعليقات:
إرسال تعليق