أشجان..نص يكتبه الأستاذ حسن الجندي

(أشجان)
ياسابل الستر..... سترك
على عبدك...... الحيران
الدنيا على......... وسعها
مش لاقى فيها.... مكان
باعنى الحبيب واشترى
بأرخص..............الأتمان
وبكل أسوه.........افترى
وزوّد...............الأشجان
وسابنى اقاسى....الضنا
والسهد...........والحرمان
توّهنى فى بحر...الهوى
ورجعت انا.......عطشان
وقلبى ياما.......... اتفطر
وغيرى بات........فرحان
عصفور وبلّه........المطر
تحت الشجر.......غرقان
والدنيا....................غابه
ماعدش فيها.........أمان
حرام عليك........يا زمن
إرحم بقى.........الإنسان
سقيته كاس......العذاب
قبل التاريخ.........بزمان.
(وعجبى)
#حسن_الجندى