وآخر إسم كان اسمك..نص عامية مصرية بقلم الرائعة ياسمين عبود

وأخر اسم كان اسمك
ويوم وداعنا كان الموت
صحيح الحق كان عندك
وللعقل كنتِ انتِ الصوت
لون  الطهر  لون  قلبك
وبعدك عمري كله سكوت
حلمت ياما اعيش جنبك
وياما اتخيلت شكل بيوت
وشوفت ف سقفها حبك
وطارح فيها شجرة توت
لكن  قدري  غير  قدرك
ومين ممكن معاده يفوت
حلمي مكنش على قدك
وحلمك كان ف اني اموت
وشري ف العيون خضك
وخوفك حط بينا خطوط
وانا  فاهم  انا  عذرك
عشان كان في مابينا شروط
ورغم الصد ده مسامحك
ولا  تبررلي  اي ضغوط 
هموت حافظ انا ملامحك
لكرهك استحق  الموت
جوازنا ايوه كان باطل
لكن بعدنا مرفوض
#ياسمين عبود