حرب ودارت من سنين..نص عامية مصرية بقلم الرائعة ..ياسمين عبود

حرب ودارت من سنين
من يوم ما أخينا ظهر
قالوا زمان هنروح لفين
من بعد ما طلعنا القمر
وبدأ مشواره بفكرتين
بلا اسلاك كلامنا عبر
والكتاب مركون حزين
واخينا  بقوة  انتصر
اعترضوا صفوة مثقفين
قالوا الورق نقش اتحفر
ثابت فينا وكمان متين
ومهما من بعده ظهر
يفضل صديق وفي امين
لا مرة باظ ولا انكسر
ردوا بقى المتقدمين
قالوا على عقولهم حجر
كتب ده ايه اوراق ده مين
ده العالم  بالاوراق كفر
التكنولوجيا كنز وثمين
ومين ف يوم منع المطر
والحرب دايره بين الاتنين
ازرار وشاشه كتب درر
ولا عارفين اخرتها فين
واكيد  هنسلم  للقدر
#ياسمين عبود