فضلت احلم
وازيد ف الحلم
اتاري الحلم كان أكبر
واعاند نفسي واعافر
طلعت اهبل ومش هقدر
بنيت م الوهم قصر كبير
وكان الحلم دا سلاحي
واقول بكره الأمور تحلى
وبحلم حتى وانا صاحي
وكنت بقول في يوم هوصل
عشان السكة فيه كفاحي
اتاري القصة مش ف كفاح
واديني رجعت بجراحي
وكانت الطعنه حسرة وذل
وتاهت من افراحي
بنيت م الوهم قصر كبير
لاقيته اتهد وانا صاحي
#سامح_بلال
ليست هناك تعليقات:
إرسال تعليق