الشاعرة ياسمين عبود تكتب(آخر مرة )

اخر مره اتعارك معاها
سبلها رساله وقام
الرساله محتوها
كان أوامر مش كلام
قالها ياستي ارحمي
الكحل ف عيونك حرام
يبقى بلاش تتكحلي
وتقتليني بالغرام
اهدي بس وكملي
مش هوده لسه الختام
ياريت بلاش بقى تضحكي
عيوني مش عارفه تنام
متتكلميش ولا تسكتي
ولاتردي ع غيري سلام
اما اخرك ف الزعل
هي دقيقه ف الخصام
بعدها انسي الزعل
مافيش ملام
ياعني ما الاخر كده
خليكي خلاص متأكده
أني اخترتك للبدايه
وبردوا انتي ف النهايه
راح تبقى مسك الختام
ومتفتكريش اني بغير
وعايز اعمل فيها حبيب
ولا اعمل فيها الخطير
بس انا ياحببتي باخد
وادي معاكي ف الكلام
#ياسمين عبود