الشاعرة الجميلة ياسمين عبود تكتب(اكتشفت)

اكتشفت
اني مجموعة حروف
حبة مشاعر
يطلعو يتبعترو
علي ورقه بيضه
بدون كسوف
حبة نقط بيغيرو
شكل الظروف
حبة مواقف اترجمو
لفيضان كلام
حبة حكاوي واتحكو
او دمعتين اتلككو
ونزلو اوام
حبة فرح حبة احزان
اتجمعو بقيت انسان
حبة الم   حبة وجع
مرصوص في عقلي
صفوف صفوف
جسدي ورق ودمي حبر
قلبي قلم يرسم حروف
اكتشفت ان الصفوف
جوه عقلي مرصوصين
مجهزين...
لما اتوجع اكتب وجع
ولما اخاف اكتب بخوف
وفي النهايه
بلم نفسي جوه ورقه
‏واستخبي في الحروف
‏جوه دفتر اتركن فوق الرفوف
‏#ياسمين عبود
‏