الشاعرة ياسمين عبود تكتب(مش كل شاعر)

مش كل شاعر
بكلامه  شاعر
منهم   ممثل
بيأدي  مشاعر
يالف  كلام
يهز الكيان
يوزع هيام
وحب وحنان
يمثل يألف
وساعة ما يزهق
يلم   دفاتره
وحقيقته تبان
يقولك بحبك
وحبي جنان
ويملى حياتك
وكل مكان
يقولك راح اكتب
سطور حبي ليك
فوق حيطان
و جبين الزمان
ويبدأ في سحره
وزن الودان
يسبك ف كدبه
الخسيس الجبان
يقولوا ده مرهف
واحساسه عالي
وهو مجرد
صور ع الحيطان
مافيش فايده منها
ولا فيها روح
ده شوية دهان
وشه  ملون
ورسمه كمان
والشعر شبكه
تصيد غزلان
ويقولوا ده شعره
داب الحجر
من جماله و لان
وهو حلانجي
و قلبه محطه
ف وسط الميدان
ومش كله طبعا
انا اقصد بهذا
الشاعر فلان��
#ياسمين عبود