البكا من غير دموع
زي ايام الشتا
يخلي جسمك يترعش
والقلوب متكتكه
تستخبي جو منك
كاتم وجعك جوه قلبك
ما البكا هيفيد بايه
مااللي عاش جوه قلبك
واللي كنت حته منه
راح خلاص مبقاش يهمه
وانت ساكنه جوه منك
كل لمحه من ملامحه
لسه صوته يهز قلبك
لسه نفسك يبقي جنبك
ورغم كل ده تكابر
وكل يوم بتبقي قادر
ع البكا من غير دموع
ع الوجع من غير خضوع
علمت قلبك القنوع
يكتفي بالذكريات
يبتسم لو حتي مات
#ياسمين عبود
الثلاثاء، 15 يناير 2019
الرائعة ياسمين عبود تكتب((البكا من غير دموع))
الاشتراك في:
تعليقات الرسالة (Atom)
ليست هناك تعليقات:
إرسال تعليق