نور محمد تكتب((شيء قديم))

شيء قديم غرقان حنين..

صحى قلبي هز روحي

رجعني للماضي سنين..

مس ذكرى جوا مني..

كان حكايه م البدايه..

لما كنا صغيرين..

أهو شايفها..

كإن دا اليوم النهارده..

وهيا طالة زي ورده..

وشمس دافيه وزرع أخضر..

ضموا روحها..

وحركوا فيا الأنين..

بنت قلبي وعمري كله..

ماسكه إيدي وطايره تجري..

وضحكة حلوة..

ساكنة روحها الصبح بدري..

شاغلة روحي والعينين..

قد إيه  هيا جميلة..

صوتها ناي وكتاب عينيها..

حرفه قال دي مكانها جنه..

مافيش ملاك ع الأرض بينا..

مدت إيديها ف قلب كفي..

إحساس فراق..

ما يكفي وصفي..

مس روحي وفجأة فعلا..

هي بتغادر حياتي..

ونبضي بينازع عشانها..

عنيا ثابتة اهي ف مكانها..

وصرخه مكتومه وآه..

مكتفيني معذبيني..

عودي ليا  كلميني..

بالله عليكي ما تسيبيني..

دفا ايديكي لسه ساكن جوا مني..

راحت حبيبتي وانتهى..

سابت ف قلبي حبها..

وشيء صغير..

من إيديها لكف إيدي..

شال الحنين من ساعتها ووقتها..

#نور محمد