قدرت انسى
__________
قدرت انسى وهتعود
عشان ف البعد راحه كتير
ومش هرضخ لاحساسي
ولا هنجر لتفكير
ومش هسمح اكون لعبه
مجرد بس تبقى ساعات
ولا هسمع كلام قلبي
عشان كل اللي جوايا مات
قتلتيه بقسوة وبتهميش
جرحت غدرتي وقسيتي
وحتى الوعد له ماصنتيش
مفيش ف الحب حب حالات
ولا ف الحب ناس بتخون
ولا بتوعد ولا بتوفيش
قدرت انسى وهتعود
وهتعلم ف بعدك اعيش
عشان حبك دا حب حالات
وم الآخر متلزمنيش
مسلسل بس مش اكتر
وكان عنوان ف شكل أفيش
وخلصت كل حلقاته
و دور مجروحه مقنعنيش
حفظت اللعبه من بدري
وجه أوان اللي كان كدبه
يموت بينا وأنا اسف
أنا آسف متلزمنيش
#سامح_بلال
ليست هناك تعليقات:
إرسال تعليق