هو الصديق ايه غير وطن
وحد يمسح دمعتك
يبقى السند لو يوم تميل
والنور تملي فــ عتمتك
بتروح عليه وبتشتكي
على كل حاجه بتوجعك
من غير مصالح أو شروط
بيمد أيده ويسمعك
لو فيه عيوب بيوجهك
وبيدعي ديما بالهدى
انسان جميل مليان حنان
وفــ رقته زي الندى
بيلوم ساعات ويعنفك
ويقول بلاش هضيع كدا
خليك جميل الجاي خير
فضفض ياصاحبي ومداريش
واصبر تنول كل الرضا
هو الصديق ايه غير وطن
وحد يمسح دمعتك
ديما سند لو يوم تميل
والنور تملي ف سكتك
#سامح_بلال
ليست هناك تعليقات:
إرسال تعليق