أ/هشام كمال يكتب((بكرة هصحى أصلي فجري))

بكره حصحى اصلى فجري
بعد ما كبرت ماقدرت أجري
زى كل يوم من زمان
لما كان ..  
ابنى صغير
والحنان . 
مالي المكان
كنت اقوم اروح سريره
كنت اغطيه وابوس خدوده
وف صلاتب كنت بدعي
يكبر بسرعه عاوز اشوفه
واشوف ولاده
يمسك اديه لما أعجز
ويكون ليه سندي
لما وهني يزيد عليه
كنت نفسى لما اموت
هوه يشيلنى ..
ويبوس جبينى
مش غريب
ماهو عندي أغلى حبيب
هوه يكون آخر بشر
يرمي عليه السلام
يقفل عليه تربتي...
كان نفسي يبقى عزوتي
ويصون حبايبي ....اسرتي
ويكون ابوهم ويكون اخوهم
ويشيل بدالي همهم
يسند بناتى..
ويعول ست الحبايب أمهم
كان غالي عندي
والله أغلى م الكون ده كله
أنا كنت أقوله
ما تروح بعيد
يحسن أكيد
محتاج إيديك
وانا ضهري محني
تسنده واتعكز عليك ... 
بقلمى .....هشام كمال