أ/هشام كمال يكتب((يادنيا))

يا دنيا تحت وما بتعلاش
واسمك يعني عنوانك
وان عليت متستناش
وان ادت مفيش ببلاش
تمن غالي تاخد م العمر
تاخد تغرف مفيش بحساب
تلاقي سنينك على يمينك
فاضلك منهم تقول حبه
ما تشبع منهم ولو حبه
تلاقي فضلك من العمر
على كفوفك ما تتعدي
من اللي فات سوى حبه
تجيب تجاعيد ومحفوره
علي القوره تقولي ده حقي
ماياما جريت ورا الدنيا
تركت شبابك الوردي
وكنت معاك ومش نسياك
.............باخد حقي
أقول يا دنيا يابت الإيه
مفيش عندك فى يوم تدي
حاجة ببلاش
ولا تديني من عمري من اللي فات
طب اديني م الصحه
تعوض بعض أحلامي وكنت شباب
لو اتخير أعود تاني وفى العشرين
لادوس على أيامى اللي سرقتني
وأعيش الحب من بابه
واجيب أولاد أربيهم
وحواليه أداديهم
وأشوف السعد ف عنيهم
وارمي زرعتى فيهم
يلموا حصادهم الاخضر
يشبعني ويرويهم
وينحنى ضهرى
وأنا بضحك على الدنيا
واقول ماعرفتى تغويني.. 
بقلمي .....هشام كمال ..
22/9/2018....