قرب
شوف السيرك بسرعه
جرب
معنى جديد للمتعه
اهرب
م الأحزان والدمعه
قرب
هتشوف فيه الدنيا
شوف الاسد ابو ناب ازرق
عمال يضحك واحنا بنغرق
سيده بيضرب فيه وبيحرق
ويزأر لينا لو يوم يزهق
سيده يمنع عنه المايا
يبص ف مايتنا نقوم نشرق
يمنع عنه ف يوم اللحم
يقطع. من جتتنا ويسرق
قرب شوف السيرك بسرعه
شوف ويانا كمان اورداتي
عمال يلعب بينا يوماتي
مادد ايده يقول اخواتي
بخبثه العالي منه يطاطي
بدعي عليه دايما ف صلاتي
سادد ودنه مهما بهاتي
شقلب ليا. كل حياتي
ف الميديا ساكن قنواتي
قرب شوف السيرك بسرعه
شوف ويانا الفيل ابو كرش
شفط الخزنه ماساب ولاقرش
الله ينور نصب وغش
لابس بدله و مليون وش
لهط التورته لوحده يحش
وغل ضرايبه فينا يفش
غلى بطاطس قوطه ومش
نفسي من الله يخاف ويكش
قرب شوف السيرك بسرعه
شوف ويانا كمان جماهير
لابسين على روؤسهم طراطير
وف بوقها زارعين مزامير
بيصقفوا
لو رفع المخرج تصاوير
او يرملهم
حتة لحمه كما المساعير
قاعدين ملط
والجو فوقيهم اعاصير
من غباوتهم
عقلي قرر مني يطير
نفسي
اقابل حد بذمه او بضمير
قرب قرب شوف او جرب
كلنا نايمين على مسامير
#ياسمين عبود
ليست هناك تعليقات:
إرسال تعليق