النهاردة الذكرى ــــ�� 5
النهاردة الذكري الخامسه
عن بعاده عن حياتي
عن كلامه وعن حنانه
وعن هزاره كمان يوماتي
لما كان يمسك إيديا
لما كان بيروح يصلي
حتى لما كان يسافر
كانت صورته ف كل ركن
كان معايا زي ضلي
اللي كان ضهري وأماني
وقت ضعفي ووقت همي
كان أخويا وبستشيره
وعمره ماخيب مرة ظني
كان بيشرح أي أزمة
و يعاتبني بالبساطة
كان معاه الدنيا سهله
زي___ �� 321
اللي كان ف الجد أبويا
وف حنانه حضن أمي
ولو بخالفه ف أي حاجه
عمره ماغاب بنصايحه عني
كنت أروح على حضنه وابكي
وف ثواني اضحك واغني
ااااااااااه يادنيا يالي قاسية
ليه تملي بتجرحيني
تيجي ديما ع اللي منى
بتساهيني وتسرقيني
بين حنين الماضي لسه
لسه نفسي تشوفه عيني
النهاردة الذكرى الخامسه
ع اللي شاب قلبي بغيابه
اللي الفرح كان ف قربه
كان مصاحب قلبي بابه
راح وراح الفرح بعده
وساب لقبي عذاب غيابه
ألف رحمة ليك ف قبرك
ياللي كنت الدنيا ليا
بدعيلك بالرحمة ديما
زي ماكنت رحيم عليا
������ ��
#سامح_بلال
ليست هناك تعليقات:
إرسال تعليق