أ هشام كمال يكتب((أرض فاضية))

أرض فاضيه .....
خلي بين قلبى وقلبك مسافه
أرض فاضيه..
لو ف يوم الدنيا تشتي بالمطر
تطرح شجر
ويكون ما بينا اشتياق
نتلاقى فيها
نطلع عليها
ونشوف سوى
طلة قمر .....
.........................
خلي بين قلبي وقلبك مسافه
أرض فاضيه
لو فى يوم جه الطوفان
من ناحيتى ومن ناحيتك
نجرى عليها .....تلمنا
والناس حيارى حولنا..
نسيوا الحنان
وتكون دى ارض الاشتياق
ارض الميلاد
لما يركب كل واحد مننا
هم الحياه
.......................
نتلاقى فيها
نبدر بذور
نستنى فيها لما تدور
الدنيا اكبر م البحور
ودى أرض فاضيه ..
على قدنا
بس بصراحه ملكنا
...................   
ما تزعليش من فكرتى
لما بقول...
خلي بين قلبي وقلبك مسافه
أرض فاضيه
خليها ديما للشتياق
مش للفراق
أوحد تاني يبنيلو بيت
خليها يوم يا صاحبتي
لما نكون انشغلنا فى الحياه
وزهقنا من كل الضجر
والشعر شاب
والقلب منا راح وداب
فيها نلتقي
من غير عتاب
أو حتى باب
مقفول ...بيمنع حبنا
خليها أرض تلمنا
وتكون مسافة للاشتياق
أنا أصلى عارف إننا
جوانا أكبر من حنين
صوته اتخرس
لكنه موجود وعارف سرنا
خلى المسافه بيننا
أرض المعاد
لو أرضنا ف يوم
اتزلزلت من تحتنا
ومفيش مكان ...
ولا أهلنا
نوصل هناك
نرمى اللى كان
ورا ضهرنا
وتكون بداية عمرنا
نكتب شهادات الميلاد
وتكون وطنا وحبنا
نزرع شجر
ويحوط علينا
يمنع بشر
توصل إلينا
خلي بين قلبي وقلبك مسافه
للاشتياق
ودى أرضنا ...  
بقلمى .....هشام كمال
19/10/2018