وبسأل نفسي ليه ديما ؟
ليه رغم القسوة مش ناسيه؟
ورغم البعد قلبي معاه
ليه كل الدنيا مش حلوة؟
ولسه ف حلمي أمنية
وحتي ف واقعي بتمناه
ليه بضعف كل يوم أكتر؟
واحن اكتر من الأول
وكل القوة لو يظهر
قصاده لضعف تتحول
بتتحول لشوق وحنين
وبنسي ابدأ بأي ملام
ومش قادرة آخد موقف
ولا اقنع قلبي يوم بخصام
لإمتي ياقلبي هتسامحه؟
وترجع كل يوم مجروح
لإمتي هتمشي وتكمل
ف سكة مفيش آخرها رجوع
وفيها الفرح تاه مني
وحتى الحلم مش مسموح
ياريت تفهم وتتعلم
وماتعش الحياة ف أوهام
ولا تعيش حب من غير روح
#سامح_بلال
ليست هناك تعليقات:
إرسال تعليق