هتروح لفين
هتهجر بيتك والسنين
بتقول كرهت
طيب قولي كرهت مين
كرهت كسرة ظهري م الزمن
ولا تجاعيد وشي الحزين
كرهت مين
كرهت عيوني التعبانين
م السهر وم القلق
لوكنت تتعبلك يومين
كرهت مين
جسمي الهزيل
ولون ايديا الشقيانين
كرهت لهفة قلبي لو تغيب
وكام سؤال كانوا مشتاقين
كرهت شكلي والهدمتين
دانا ياما تعبت
عشان تكون انسان عظيم
كرهت خلاص
قال نفسك تفرحلك يومين
هتبيع العشرة بكلمتين
لا مش هعاتب
مش هنزل دمعتين
لو هتحسب هتلاقي
انت وقلبك خسرانين
وان خروجك من حياتي
جايزة كبيرة م السنين
كرهت مين
#ياسمين عبود
السبت، 23 مارس 2019
المبدعة ياسمين عبود تكتب((هتروح لفين))
الاشتراك في:
تعليقات الرسالة (Atom)
ليست هناك تعليقات:
إرسال تعليق